នារសៀលថ្ងៃទី ២៥ ខែកក្កដា ឆ្នាំ ២០២៥ អង្គការមូលនិធិអុីម៉ាន់កម្ពុជា បានរៀបចំកិច្ចប្រជុំត្រួតពិនិត្យផែនការសកម្មភាពសម្រេចបានពាក់កណ្តាលឆ្នាំ ២០២៥ ដោយមានការចូលរួមពីក្រុមប្រឹក្សា ថ្នាក់ដឹកនាំ និងបុគ្គលិកចំនួន ១៣ នាក់។គោលបំណងនៃកិច្ចប្រជុំនេះ គឺដើម្បីធ្វើការវាយតម្លៃពីវឌ្ឍនភាពនៃគម្រោងសកម្មភាពដែលបានបញ្ចប់ និងកំពុងអនុវត្តនៅពាក់កណ្តាលឆ្នាំ ២០២៥ (ខែមករា-មិថុនា ឆ្នាំ២០២៥) ស្របតាមគោលដៅរយៈពេលវែងរបស់អង្គការ។ ការត្រួតពិនិត្យនេះក៏មានគោលបំណងធានាថាការប្រើប្រាស់ធនធានមានប្រសិទ្ធភាព ព្រមទាំងកំណត់បញ្ហាប្រឈមនានា និងធ្វើការកែតម្រូវចាំបាច់ដើម្បីសម្រេចបានគោលដៅចុងឆ្នាំ២០២៥។ SHARE

លោក សឡេះ សឡេះ ប្រធានអង្គការមូលនិធិអ៉ីម៉ាន់កម្ពុជា និងក្រុមការងារ បានអមដំណើរឯកឧត្តមបណ្ឌិត ចាយ បូរិន រដ្ឋមន្ត្រីក្រសួងធម្មការនិងសាសនា និងអ្នកឧកញ៉ា សុះ កំរ៉ី ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាម ដើម្បីចុះសួរសុខទុក្ខ និងនាំយកថវិកាមួយចំនួនជូនដល់កងទ័ពជួរមុខការពារព្រំដែន ដែលឈរជើងនៅតំបន់ប្រាសាទព្រះវិហារ នាថ្ងៃទី ១៦ ខែកក្កដា ឆ្នាំ ២០២៥។ វត្តមានគណៈប្រតិភូត្រូវបានការទទួលស្វាគមន៍ពីឯកឧត្តម នាយឧត្ដមសេនីយ៍កិត្តិសង្គហបណ្ដិត ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការបញ្ជាការដ្ឋានអង្គរក្ស។ សកម្មភាពនេះ គឺដើម្បីបង្ហាញពីការគិតគូរ និងលើកទឹកចិត្តដល់វីរៈកងទ័ព ដែលបានលះបង់កម្លាំងកាយចិត្ត ការពារបូរណភាពទឹកដីជូនជាតិមាតុភូមិ។ SHARE

នាព្រឹកថ្ងៃសៅរ៍ ទី១២ ខែកក្កដា ឆ្នាំ២០២៥ អង្គការមូលនិធិអុីម៉ាន់កម្ពុជា បានរៀបចំកម្មវិធីកម្មវិធីសហគមន៍ ក្នុងគោលបំណងដើម្បីអប់រំអំពីអនាម័យ ការថែរក្សានិងសម្អាតបរិស្ថាន ការកែច្នៃ និងលាបថ្នាំទ្វារ និងបង្អួចតាមថ្នាក់រៀន និងជាពិសេសផ្តល់ឱកាសដល់យុវជនបានចូលរូមការងារស្ម័គ្រចិត្តសម្រាប់សហគមន៍។ កម្មវិធីនេះបានដំណើរការឡើងនៅទីតាំងសាលាអាល់ អាក់ឡា, សង្កាត់ព្រែកប្រា, ភ្នំពេញ ដោយមានយុវជនស្ម័គ្រចិត្តចូលរួមចំនួន ២៣នាក់។ SHARE